viernes, 5 de diciembre de 2014

VII NOITEBOA INFANTIL

 Un ano máis, e por séptimo ano consecutivo, a A.C.R. Fervenza de Sargadelos quere estar preto dos máis pequenos da casa. E de que mellor maneira que na tarde do 24 de decembro. Será o mércores 24 de decembro no Pavillón de Cervo, a partir das 17:00
   Como xa é habitual, a programación de actividades vén cargada, e coa novidade deste ano de "pintura de caras" para todos os nen@s que o desexen. Xa que a monitora de Tempo Libre, a cervense Rocío Cabaleiro será a encargada de poñerlle unha imaxe pintoresca nesta edición.
17:00 Recepción de tod@s os neno@s.
17:30 Hinchables
18:00 Chocolatada
18:30 Contacontos a cargo de "O CAXOTO CATIVO"
19:15 Visita de Papá Noel
20:30 Sorteo de 5 kg de marisco na POusada "O Almacén"

ORGANIZA: A.C.R. Fervenza de Sargadelos
COLABORA: EXCMO. Concello de Cervo

sábado, 1 de febrero de 2014

6 ANOS DE HISTORIA (por Ramón González)



Para a xuventude de Cervo, para moita xente de Cervo, o Santiago de Sargadelos é unha festa tan nosa coma o San Roque -patrón do pobo- ou a Queimada Popular. Como vivimos nesas datas algúns dos momentos máis divertidos e pracenteiros das nosas vidas, uns cantos mozos e mozas xuntámonos alá por 2008 no Caseto de Copa para tratar de reflotar unha romaría que estaba perdendo interese. Contabamos tamén no grupo con algúns nativos, coma Sandra, o que non quitou que houbese quen nos vacilase por organizar os festexos da parroquia veciña... E aí seguimos.

Así surxiu Fervenza de Sargadelos, unha asociación que naceu entre a ilusión de facer cousas e o medo a non dar pagado as facturas (ollo, esa segue sendo unha preocupación prioritaria). Case todos eramos principiantes na organización de eventos e o que máis controlaba era Chopi, que fora músico de orquestra e entre café e café que nos servía aportaba o pouco coñecemento que tiñamos. E falabamos de facer un festival de rock, coma había anos atrás, e traer aos míticos Mallory, ou que A Quenlla ou A Roda viñesen tocar algún día. E falabamos de recuperar os xantares do 25 de xullo, e na medida do posible as acampadas. Desde logo, o entorno das antigas fábricas non podía ser un aliciente máis grande.

Xuntanza tras xuntanza foron saíndo as ideas para financiar a romaría: a Noiteboa Infantil, por exemplo. O primeiro ano case deu perdas -en ningún caso dramáticas- pero os nenos estaban felices, e cos anos foi consolidándose coa axuda de xente coma Felipe “O Caxoto” ou Piru. Hoxe xa é unha pequeniña fonte de ingresos, e ó tempo unha das actividades que máis nos gusta facer. Como a gastronomía é un valor seguro, apostamos tamén pola Festa da Fabada, para a que nos apoiu especialmente a xente do Almacén. Pero home precavido vale por dous, aprendímolo tarde, e na primeira edición quedamos axiña sen existencias. Debía ser divertido (para quen tivese comido) ver as nosas caras rebuscando nas potas baleiras mentres máis e máis xente chegaba a mercar unha ración. Co tempo, fomos mellorando. E vendendo as nosas camisetas, vendendo lotaría, e coa axuda económica dos veciños e das empresas, sen esquecer o apoio das institucións (Concello e Deputación) a cousa colleu forma.

A primeira edición que organizamos, a do 2009, foi inolvidable. Foi a do primeiro Sargadelos Fusión con Snatch, Bytheface, Mallory -por suposto- e O Leo, que deu probablemente un dos concertos máis breves da súa vida. Más Dbs no control de son. A noite seguinte tocou A Quenlla, e a xente bailou coa “Rumboia” e algúns dos máis novos flipamos con “Ter ou ser”. Non eramos tantos, pero tampouco tan poucos, e en calquera caso elixidos. Estivo moi ben. Ah. E a xente baixou o Xunco en colchonetas, coma sempre se fixo.

Para o 2010 redobramos a aposta. As Ataque Escampe deron un concertazo no Fusión para despois meter o Focus nun furado do campo, e cando os sete ou oito que alí estabamos xa pensabamos en chamar á grúa viñeron un tipo de Espiñerido e outro de Viladesuso a sacar o coche sen ningún problema. Aquel ano tamén actuaron Sacha na Horta, Mallory e Recambios Tucho, “premio do público”. A Roda, co inolvidable Fito no mando das operacións, fixo que houbese na festa tanta xente bailando e cantando como nos nosos mellores soños.

O 2011 foi o ano de Berrogüetto, aquel ano no que o campo da festa estaba cheo e case non coñeciamos a ninguén (unha sensación extraña e marabillosa). Ao final, coñecidos e menos coñecidos acabamos montando un baile entre expertos e absolutos negados (roda!!!) no que case temos que dar un parte de feridos. Tamén foi o ano no que a xente botou un pé coa Requinta da Laxeira durante a festa gastronómica, algo que (iso si) non chegamos a soñar nunca: que a música se impuxese (momentaneamente) á panceta. Os nosos habituais colaboradores nas brasas, sempre fieis, puideron tomar un respiro. E foi o Sargadelos Fusión -o terceiro- no que os Medomedá rebentaron a gargalladas ao público. Naquela edición tamén estiveron con nós Clan Maragato, Remakers e Falperrys.

No 2012, a chuvia desluciu (pero só un pouco) a emocionante actuación de Treixadura. Para o Fusión recurrimos a vellos amigos como Medomedá e Recambios Tucho, ademais de Los Eternos (“que bos son estes tíos”, escoitábase por alí) e The Brosas, que pecharon o festi a ritmo de (como diría Rubén) macarrada fina.

Na edición de 2013 só houbo festa un día, no que tocaron A Requinta da Laxeira, pois suspendimos os actos polo accidente de tren de Angrois.

Durante estes anos tamén puxeron a bailar á tropa toda os dúos, tríos, grupos e orquestras que contratamos: Acuarela, Chingla & Salva, Samil, Fusión, Vivarium, Costa do Mar, Alma Latina e EpoK.

Pero sobre todo, quen máis contribuiu a animar o cotarro fóstedes vós, que viñestedes a facer grande a festa e divertirvos. Por iso dámosvos as gracias e agardamos vervos no campo, outro ano máis, en 2014.

jueves, 27 de junio de 2013

VOLVE A ROMERÍA!!!!....24 e 25 de XULLO

     Un ano máis, e por quinto ano consecutivo, a A.C.R. FERVENZA DE SARGADELOS, será a encarga de organizar a Romeria de Sargadelos 2013. Corrían rumores de que non ía haber festa por mor da maldita crise, pero a xuventude cervense non podía permitir que iso ocurrise, e seguimos adiante con este fermoso proxecto que naceu no 2009.
     A Romería celebrarase os días 24 e 25 de xullo celebrando o Santiago Apóstol. Novamente dita festa virá cargada de actividades lúdicas, musicais e por suposto gastronómicas. Nos vindeiros días comezaremos a publicar polo miúdo toda a programación.
         De antemán queremos agradecer dende este humilde recuncho, toda esa axuda humana e desinteresada da xente de Cervo e arredores, así como ao EXCMO. Concello de Cervo e empresas do municipio pola súa axuda.

        Esperemos que sexa unha bonita Romería, onde a música o viño e o bo xantar sexa o protagonista.....

viernes, 15 de junio de 2012

PROGRAMA DA ROMERIA DE SARGADELOS 2012

MARTES 24 DE XULLO:

15:00 Xantar de Romería
20:00 Lanzamento de bombas de palenque, comeza a Romería 2012
23:00 IV FESTIVAL SARGADELOS FUSIÓN cos grupos:

LOS ETERNOS (Cedeira)
MEDOMEDÁ (Teo)
(Sorteo de 2 entradas para EXTREMODURO en Coruña).
RECAMBIOS TUCHO (Sta Uxía de Ribeira)
THE BROSAS (Burela).

MÉRCORES 25 DE XULLO(día do Santiago Apóstol):

12:00 Lanzamentos de bombas de palenque.
13:00 Misa solemne cantada polo coro parroquial de Cervo.
13:30 Procesión a cargo do grupo de gaitas Airiños do Xunco.
14:00 Sesión vermouth a cargo de VIVARIUM
15:00 Xantar de Romería
20:00 PANCETADA e CHORIZADA
22:00 TREIXADURA EN CONCERTO
23:30 Queimada Gratuita
23:30 Verbena a cargo de VIVARIUM



Con comidas campestres, zona de acampada....MONTA O TEU CHIRINGO

ORGANIZA: A.C.R. Fervenza de Sargadelos

COLABORA:
EXCMO Concello de Cervo
EXCMA Diputación de Lugo
INLUDES

lunes, 30 de abril de 2012

AVANCE DO "IV FESTIVAL SARGADELOS FUSIÓN"

3...2....1.....Comeza a conta atrais para a Romería de Sargadelos 2012, e tamén para o IV FESTIVAL SARGADELOS FUSIÓN. Un evento que xa vai pola súa cuarta edición, e que ano trais ano, capta un maior número de siareiros de tódalas idades e tódolos puntos da provincia.
A A.C.R. Fervenza de Sargadelos será a encargada de organizalo festival, que ao mesmo tempo vai encadrado dentro da programación cultural da Romería de Sargadelos que se celebrará os días 24 e 25 de xullo do presente ano na paraxe histórica-cultural de Sargadelos. Destacar tamén, que por cuarto ano consecutivo, Mas Db´s Sonido Profesional encaragarase do equipo de luz e son, e así darlle un toque de maxia e calidade a dito festival, que estará composto por catro bandas de diferentes puntos da xeografía galega.

Podemos adiantar que os burelenses THE BROSAS, LOS ETERNOS de Cedeira, RECAMBIOS TUCHO de Ribeira e os MEDOMEDÁ de Teo están oficialmente confirmados. Nos próximos días confirmaremos o concerto folk. Queridos romeir@s quedan 90 días e baixando. Seguiremos informando.

lunes, 2 de abril de 2012

IV CAMPEONATO DE MUS

Por cuarto ano consecutivo, a A.C.R. Fervenza de Sargadelos, organiza o IV CAMPEONATO DE MUS "FERVENZA DE SARGADELOS"......Será este sábado día 7, a partires das 16:00 na Pousada O Almacén (Cervo).

A inscrición custa 20 euros por parella e os premios serán do 50% da inscrición para os gañadores, e o 20% para os subcampións, máis agasallos para os finalistas . O Campionato, en función das parellas apuntadas, comezará cunha fase previa de grupos, pasando posteriormente a unha fase final.

Para apuntarse, simplemente chamar ao 653.324.047. Animarse!

ORGANIZA: A.C.R. Fervenza de Sargadelos

COLABORA: Pousada O Almacén

miércoles, 29 de febrero de 2012

Entrevista da Voz de Galicia sobre A IV FESTA DA FABADA de Cervo....

Galicia en xeral é terra de bo comer. A Mariña tamén se sinte identificada coa arte da cociña. Proba delo as innumerables festas que hai nesta comarca. En breve virá unha fin de semana de marcado carácter gastronómico, coa IV Festa da Fabada de Cervo na que a asociación Fervenza de Sargadelos rinde culto a un prato quente e de culler. Será este sábado 3 ás 19.30 no Souto, con racións a 5 euros (fabada, cazola, pan e viño) e o sorteo de 5 quilos de centolos.

-En fabas, ¿cantos quilos?-Encargamos 50 quilos de fabas a unha empresa de Vegadeo.

-Cervo acolle outras festas como a do mexilón, erizo, carne de porco, a do ovo frito... Queda pouco onde escoller.-Verdade. Nós tiñamos claro de facer algo gastronómico, sobre todo nesta época do ano que se quere algo quente e caldoso, para sacar financiación para as festas de Sargadelos.

-¿Cantas racións venderán?-Nestes últimos dous anos vendimos 250 ou algo así.

-A actividade central do colectivo é revivir Sargadelos. ¿Que poden adiantar da romería?-A estas alturas non hai nada pechado. Só sabemos as datas: 24 e 25 de xullo. Vamos seguir na liña de traer un grupo folk grande, do estilo de Berrogüeto que actuou o ano pasados. Seguimos na liña de comidas campestres, música a pé de festa e foliada.

-É inevitable citala: a crise.-Se antes faciamos tres días de festa, este ano a limitamos a dous días. Tamén para non arriscarnos a gastar moito.

-¿Cantos socios teñen?-O noso caso é peculiar porque non temos socios. A asociación constituise fundamentalmente para organizar a Romería de Sargadelos. Vámonos financiando a través das axudas de institucións, concello e Deputación, e eventos que organizamos ao longo do ano.

ramiro chaves vicepresidente da asociación fervenza

martes, 21 de febrero de 2012

IV FESTA DA FABADA

O Sábado 3 de Marzo, A.C.R. Fervenza de Sargadelos organiza a súa IV FESTA DA FABADA. Comezaranse a repartir as racións a partir das 19:30 no interior da carpa que estará situada na Praza do Souto de Cervo, recollendo previamente o ticket de compra da ración.
Posteriormente dito evento gastronómico, social e cultural, estará amenizado polo Grupo VIVARIUM dende as 20:00 ata o remate da festa.

Destacar que a ración de fabada estará composta polo rico manxar de fabada, pan, viño e cazola, a un prezo de 5 €.

HABERÁ CARPA

ESPERÁMOSVOS!!!!!


ORGANIZA: A.C.R. FERVENZA DE SARGADELOS

COLABORA:
EXCMO. CONCELLO DE CERVO
EXCMA. DIPUTACIÓN DE LUGO
INLUDES